Agur agur ...

Guztiak omen dauka amaiera, eta irakasgai honen bukaerara iritsi gara. Ondorioz, Blog sarrerak ere bertan bera gelditzen dira.

Edozerk eragiten ditu sentsazioak, eta nik, irakasgai honi dagokionez, uste dut aurrerapen handia egin dudala, edo sentsazio hori daukat behintzat eta pozgarria iruditzen zait benetan. Izan ere, nahiz eta mila aldiz aipatu dudan lauhilabetean zehar, konturatu naiz gure bizitzetan eta gure gizartean oso garrantzitsuak direla IKTak eta hauen gaineko kontrol minimoa izan behar dugula, bestela galduta sentituko garela. Era berean, hauek erabiltzen ikasi dut, nahiz eta oraindik asko daukagun ikasteko. Programa berriak ezagutu ditut, eta garrantzitsuena, hezkuntzarekin daukan zerikusia ulertu dut.

Irakasleak hau aurrera eramateko erabilitako metodologia egokia iruditu zait. Izan ere, saio teorikoei dagokienez, guztia berak azaldu beharrean, gure gaitasunak erakutsiz gaiak guk geuk azaltzeko aukera eman digu, nahi dugun metodoa erabiliz. Saio praktikoei dagokienez ordea, azaldutakoa guk geuk probatzeko aukera izateak izugarri aberasten du ikaskuntza, ondorioz, ikusi eta esperimentatu dudan hori barneratu dut. 

Besterik gabe, mila esker bloga irakurri duzuen guztioi, espero dut zuentzat ere baliagarri zein entretenigarri izana! Gizartearen aurrerapenak onartu, hauetaz jabetu, erabili, ikasi! Beste bat arte!

Helmugara iritsi gara!

Arazoak direla eta, orain arte ezin izan dut IKTko azken asteari dagokion hausnarketa egin, baina diotenez, inoiz ez da berandu, hala ere, barkatu eragozpenak.

Irakasgai honi dagokionez, azken astea oso polita iruditu zitzaidan.

Saio teorikoan, beti bezala, azken aurkezpenak egin genituen, aste horretan hiru.

Lehenengo taldeak, aurretik entzundako MOOC (Online Ikastaro ireki masiboa) eta PLE (Personal Learning Enviroment) kontzeptuei buruzko azalpenak eman zizkiguten. 

Bigarren taldeak, "¿Quien quiere ser millonario?" jokoaren itxura emanez azaldu ziguten beraien gaia, oso era originalean eta dibertigarrian. Gainera, gure arreta guztiz bereganatu zuten, denok adi entzuten genuen haiek esaten zutena. 

Horrela, zenbait puntu landu zituzten, hala nola, gizarteak jasaten dituen aldaketak hezkuntzan oso gutxi islatzen direla aipatu ziguten, eta honekin batera, gaur egungo gizarteratzea eta duela urte batzuetakoa oso desberdinak direla nabarmendu zuten, izan ere, gaur egungo gizabanakoek denbora asko igarotzen dute pantailaren aurrean, liburuak alde batera utziz. Kultura multimodalaren inguruan ere aritu ziren, zeinek teknologia, formatu eta hizkutza ezberdinak barnean hartzen dituen, horregatik da gure gizartean nabarmentzen den kultura mota. Honez gain, alfabetatze berriak aipatu zizkiguten, lau omen daude: audiobisuala, digitala, informazionala eta alfabetatze anitza. 

Honi lotuta, zein litzateke eskoletan helburu hezitzaile garrantzitsuenetako bat? Azaldu digutenez, erabiltzaile kritiko eta kontzienteak heztea da helburua. Ondorioz, garrantzitsua litzateke hainbat gauza kontuan hartzea. Hasteko, nahiz eta ordenagailuekin ikasi, irakasleak hor egon beharra dauka, ariketen antolatzaile eta begirale izan behar baitu. Gainera, kontuan hartu behar ditu, gehiegizko informazioak sor ditzakeen arazoak eta ikasle bakoitzaren erritmoa. 

Bukatzeko, aipatu zuten, IKTak eskolaz kanpo ere erabiltzen ditugula eta aukera paregabea direla etorkizunerako. Ados nago azken honekin, izan ere aurreikus daiteke IKTek izango duten garrantzia, eta nolabait prestatzen ari gara datorkigunerako. Beraz, ondo iruditzen zait eskoletan ikaskuntza mota hau sustatzea, beti ere, bere neurrian eta irakasleak alde batera utzi gabe, hauen lana ere oso garrantzitsua baita ikaskuntza era egokian garatzeko.

Azken azalpena, gure taldearena izan zen, eta aurreko taldekoen gaiarekin zuzenki lotuta zegoen. Manuel Arearen testu bat landu genuen, IKTak gaur egungo eskolan . Honen barruan lau puntu landu genituen: IKTak eta berrikuntza, hezkuntza ereduen oinarriak, dekalogoa eta teknologia eta testu inprimatuen arteko lehiaren inguruko hausnarketa. 

Aurkezpena egiteko, eta erakargarriago izateko, online den programa berri bat erabili genuen: emaze. Jarraian ikus dezakezue gure aurkezpena eta puntu bakoitzaren inguruko informazioa.

Nahiz eta teknologia berriak sartu gure bizitzetan, ez dut uste gainontzeko baliabideak baztertzea beharrezkoa denik. Orain dela gutxi entzun nuen irratian, Finlandiako eskoletan eskuz idaztea ez irakastekotan zeudela, eta hori astakeria iruditzen zait, ez baitakigu zer gerta daitekeen gerora. Beraz, nire ustez, dauzkagun baliabideak aprobetxatu beharko genituzke, guztien kontrol minimo bat izanez eta hauen inguruko hezkuntza jasoz eta emanez.

Blogaren erabiltzailearena

Astero legez, saio praktiko bi izan genituen. Lehengo saioa, galdera baten inguruan hausnartuz hasi genuen: zer dakigu mugikorretaz gure kideek ez dakitena? Bakoitzak bere ekarpenak egin zituen, gainontzekoentzat baliagarri izan zirenak. Galdera aprobetxatuz, irakasleak QR-ak aipatu zituen, baina zer dira? irudi edo logo batzuk dira, mugikorra erabiliz dektektatzen ditugunak eta zerbaiti buruzko informazioa ematen digutenak. Esate baterako, koadro bat daukagu, eta ondoan QR-aren logoa dauka. Mugikorra hartu eta detektatzen badugu, koadro horri buruzko informazioa jaso ahal izango dugu.

Guk geure blogerako QR propioa sortu genuen unitag erabiliz, izan ere, gazteontzat oso praktikoa da, hobeto maneiatzen baititugu teknologiak.

Honez gain, infografiak aztertu genituen. Hauek, kartel batzuk dira eta grafika batzuen bidez informazioa ematen digute. Gero eta erabiliagoak dira, esate baterako egunkarietan askotan agertzen dira, eta hezkuntzan ere baliagarri suerta daitezke, gehienbat bostgarren eta seigarren mailetan.

Infografia bat eraiki genuen easely online programa erabiliz. Hau izan zen emaitza:

Blogaren erabiltzailearena

Wordle ere ikusi genuen gainetik. Hau, hitzez osatutako irudia da eta oso atsegina izan daiteke haurrekin erabiltzeko. Izan ere, definizioak esaldietan eman beharrean, hitzez laburtzen dugu definizio hori irudi bat sortuz. Antzekoa litzateke tagsxedo, etiketak egiteko balio du eta aukera gehiago ematen ditu.

Blogaren erabiltzailearena

Klasearekin jarraituz, zooBurst programa erakutsi zigun, 3Dn  lan egiteko aukera ematen duena eta ondorioz, motibagarriagoa dena. Honi lotuta, ikaskide batek, colAR delako aplikazioa erakutsi zigun, irudiak inprimatu eta koloreztatu ostean, tabletaren bidez adibidez, irudia detektatu eta bizitasuna ematen baitio margotutako horri. Hau ikustean oso harrituta geratu ginen guztiok, izan ere, gauza txiki hauekin ikusten da nola egin duen teknologiak aurrera, eta ondorioz, haurrak eta familiak mundu horretan oso sartuta daude, eta multimendiaren erabilera nagusitzen ari dela nabarmena da.

Irakasgaiari amaiera emateko, azken saio praktikoa, talde batzuek beraien modulo lana aurkezteko erabili zuen irakasleak. Orokorrean, hemen ikusi zen, oso lan gogorra egin genuela, eta emaitzak ere onak izan zirela nahiz eta zenbait arazo txiki izan, besteak beste, soinua eta irudiaren kalitatea. Gainera, aukera izan genuen, galderak egiteko, bakoitzak bere metodo propioa erabili baikenuen guztia egiteko, eraikitzeko, aurrera eramateko ...

Gure lana hemen uzten dizuet: "Patxi bizkaiko ondareak ezagutzen".

Besterik gabe, amaiera ezin hobea eman genion IKT irakasgaiari. Esan bezala, aste oso ona izan zen, eta gehienetan bezala, oso baliagarriak diren gauzak ikasi genituen, erabiliko ditudanak eta beste batzuei aurkeztuko dizkiedanak. 

Oraindik ez dugu amaitu, beti aurrerantz!

Blogaren erabiltzailearena

Grabaketa astea pasa genuen, astetxo gogorra, baina produktiboa! Aipatu beharra dago IKTn orain arte ikasitako gauza batzuk baliagarriak izan zirela grabaketak aurrera eramateko, beraz, hor ikus ditzakegu guzti honen emaitzak.

Honen ostean, IKTko zazpigarren astea izan dugu oraingoa, eta aurreratu behar dut, oso aste ona izan dela, gehienbat klase praktikoei dagokienean.

Astero bezala, asteartean, saio teorikoan, bi talderen azalpenak entzun genituen. Lehenago ikusitako web 2.0 gaia azaldu zigun lehenengo taldeak, eta bigarrenak e-learning-ari buruz hitz egin zigun.

Lehenengo taldearen esanetan, Web 2.0, hitzaldi baten ondorioz egin zen famatu 2005ean, eta orain arte, informazioa konpartitzeko sortutako plataforma izan da. Honen agerpenak aurrerapena suposatu du, esate baterako, nabigatzeko erraztasunak eskeintzen ditu, eta hau aproposa litzateke IKTekin ondo moldatzen ez direntzentzat gehienbat. Web 2.0ren aurretik, Web 1.0 zegoen.

Aurkezpenean, aurrean aipatutakoen arteko konparazioak egin zituzten, eta ikusi genuen hainbat arlotan dagoela desberdintasuna, eta batez ere, aurrerapena. Batetik bestera izugarrizko aldea dago, bai erabiltzaileei dagokienez, arkitekturari dagokionez, egoera estatikoari dagokionez ...

http://wikimemorys.wikispaces.com/file/view/web1vsweb2.png/217635152/web1vsweb2.png

Beraz, ikusten dut izugarrizko aurrerapena jasan duela webak. Egia esateko, ez nekien ezer web 1.0ren existentziaz, baina, ez zait batere praktikoa iruditzen. Gaur egun daukaguna ordea, ia ia ezinbestekotzat hartzen dut, izan ere, hainbat gauza errazten dizkigu, eta ondorioz, denbora ugari aurrezten dugu. 

Baina, ia sarrera guztietan aipatzen dudan bezala, teknologiak ez du atzera begiratzen, aurrera eta aurrera egiten du, beraz, laster web 3.0 izango dugu? Badirudi baietz, prozesua hasita omen dago 2010ean, eta 2020raino jarraituko duela diote. Honen ezaugarri nagusiak hauek izango direlakoan daude: irekiera eta bateragarritasuna nabarmenduko dira, eraginkorragoa izango da, web 3.0 3D sortuko da, informazioaren kontrol segurtasuna egongo da eta amaitzeko, web semantikoa izango da. Suposatzen da aldaketa guzti hauek gizartearen onerako izango direla, itxarotea besterik ez da falta.

Bigarren taldeak, arestian aipatu dudan bezala, e-learning-ari buruz hitz egin zigun, eta hainbat definizio dituen arren, beraiek ondokoa eraiki zuten: interneten bidez emandako ikasketa prozesua, non nahiz eta ikasle eta irakasleen arteko banaketa dagoen, etengabeko komunikazioa dagoen eta ikaslea erdigunea den.

https://www.google.es/search?ion=1&espv=2&q=e-learning&bav=on.2,or.r_cp.&bvm=bv.82001339,d.d24&biw=1366&bih=624&dpr=1&um=1&ie=UTF-8&hl=eu&tbm=isch&source=og&sa=N&tab=wi&ei=1BSXVKHRJsGtUa7zgqgL#facrc=_&imgdii=aCbgWbN-8_TJ9M%3A%3BspW3g8-pMfr6RM%3BaCbgWbN-8_TJ9M%3A&imgrc=aCbgWbN-8_TJ9M%253A%3BSpwRWI4M6NM8GM%3Bhttp%253A%252F%252Fsarahlouq.co.uk%252Fwp-content%252Fuploads%252F2013%252F08%252F12605025-e-learning-and-education-concept-in-tag-cloud-on-white-background1.jpg%3Bhttp%253A%252F%252Fsarahlouq.co.uk%252Fe-learning%252F%3B1200%3B1194

Honen barruan, hiru ikasteko modu bereizten dira: %100 presentziala (guztia internet bidez), semi presentziala (b-learning) eta laguntzazkoa (momentu puntualetan erabiltzen da internet).
Heziketa modu hau, Lehen Hezkuntzan, Unibertsitatean, Goi mailako ikasketetan ... aurki dezakegu, baina esan beharra dago, 6-12 urteko haurren artean nabarmentzen dela, eta gero eta gehiago erabiltzen direla. Izan ere, hauek, gero eta hobeto maneiatzen dituzte teknologia berriak, eta ondorioz, hauek erabiliz ikastea aisialditzat hartzen dute. 
Beraz, guztiak bezala, honek ere bere abantailak eta bere desabantailak ditu. Alde batetik, erosoa da, autonomia sustatzen du, informazio aniztasuna eta ugaritasuna daukagu bertan eta teknologiaren garapena dakar. Baina era berean, sozializazio eza ekar dezake, internetekiko menpekotasuna sortu eta gainera, esperientzia bidez ikastea oso gutxi erabiltzen duen sistema da.
Nik, pertsonalki, ez dut uste guztia internet bidez egitea egokia denik, hau da, dauden hiru motetatik, laguntzazkoa aukeratuko nuke, zehaztuz, interneta momentu puntualetan erabiltzea. Izan ere, uste dut, desabantailek pisu handiagoa daukatela abantailek baino, adibidez, sozializazioa beharrezkoago ikusten dut erosotasuna baino. Ondorioz, milaka aldiz aipatu dudan bezala, ondo dago aurrera egitea eta IKTak erabiltzea, baina neurria hartuta beti, guztiok internet bidez ikasiko bagenu, zein litzateke irakaslearen papera? IKTak nola erabili irakastea? hori da hezkuntza? ez dakit, ez nago ados.

Saio teorikoak alde batera utzita, saio praktikoei dagokienez, oso aste entretenigarria eta produktiboa iruditu zait. 

Hasteko, ostegunean, hot potatoes izeneko programa aurkeztu zigun eta hura erabiltzen hasi ginen. Programa hau guk geuk ere erabili dugu ikaslearen ikuspuntutik, eta ariketak ebatzi ditugu honekin. Baina, IKTn honekin ariketak sortzen ikasi genuen, oso praktikoa iruditu zitzaidalarik Lehen Hezkuntzarako. Guk geuk ikertuz jarduera bat sortu genuen, euskara irakasgaiari lotua eta euskararen erabilera izenekoa.

Behin honekin bukatuta, movie maker bideoak eraikitzeko, eraldatzeko ... programa ezagunari buruz hitz egin zigun, eta honi buruzko adibide bat jarri zuen. Guk, adibide hori kontuan hartuta, bideo bat sortu behar izan genuen, musika sartuz eta irudi bakoitza era egokian honekin lotuz. Hau izan zen emaitza:

Movie makerrari dagokionez, oso praktikoa iruditzen zait, bai guretzat, hau da, gure bizitzetan erabiltzeko, eta bai eskoletan haurrekin erabiltzeko. Izan ere, oso polita izaten da haurrekin gauzak grabatzea, haiek protagonista izatea, ondoren beraiekin bideoak montatzea eta abar. 
Nik programa hau ezagutzen nuen, baina inoiz ez dut erabili, beraz, uste nuen ez nintzela gai izango bideo bat montatzeko, baina ikusi ahal izan dut, ez dela hain zaila, eta gainera entretenigarria dela, emaitz oso politak lortzen baitira.

Podcastekin ere hasi ginen lanean. Hauek, grabaketa batzuk dira, audio artxiboak nahiz musikak izan daitezkeelarik. Izan daitezke, ipuinak, asmakizunak, ahokorapiloak, kantuak ... Normalean online izaten dira, eta hainbat programa daude honetarako, hala nola:    Voki, Poderato, Goear, Spreaker eta Podomatic. 
Gu, taldean, poderato erabiltzen hasi ginen, baina arazoak zirela eta ezin izan genuen grabatutako audio artxiboa bertara igo, hortaz, bertan behera utzi genuen.

Bukatzeko, sarrera honetan hainbat aldiz aipatu dudan arren, oso gustura aritu naiz aste honetan, eta ikasitakoa erabilgarria iruditu zait, bai hezkuntzarako eta bai erabilera pertsonalerako. Konturatzen naiz, uste baino gehiago dakigula, eta IKTeei beldurra izan beharrean, aurre egin behar diegula hauek era egoki batean menperatuz eta erabiliz, ez da hain zaila.

6.astea, azkenetarikoa

Internetaren arriskuez eta segurtasunaz aritu dira aste honetan bi taldeak, hau da, bi aurkezpenek elkarren arteko erlazioa zeukaten. Gainera, gure egunerokotasunean askotan entzuten ditugun bi gai dira, baina asko al dakigu horretaz? Behar beste? Bi aurkezpenei esker orain aurretik nekienari ezagutzak gehitu dizkiot, bai edukiagatik eta bai aurkezteko erabilitako metodologiagatik.

Esan bezala, aste honetako saio teorikoan, lehen taldea, interneten arriskuez mintzatu zen, haren arriskuak azaldu zizkiguten, eta eskolak horren aurrean egin beharrekoa ere aipatu zuten. Jarraian datorren eskeman ikus daiteke hauek esandakoa laburbilduta:

Blogaren erabiltzailearena

Honez gain, interneten garrantzia ere aipatu zuten, bizitza modernoaren funtsezko zatia dela esanez, eta eskolan internetaren helburuak hauek direla aipatuz: maila igotzea, arrakasta sustatzea, langileen lanari laguntza eskaintzea, informazio kudeaketa eta ikastetxeen administrazioa hobetzea. 

Interneten segurtasuna izateari dagokionez, IEPak aipatu zituzten lehendabizi. Eta jarraian, interneteko edukiak ebaluatzeko ikasteko estrategiak, posta elektronikoaren erabilera, web orrien erabilera (lau printzipio), berriketa gelak edo foroak, eskoletan hartzen diren neurriak, ... azaldu zituzten. 

Azken finean, egunero entzuten ditugun gauzak azaldu zituzten, baina jaramonik ez diegu egiten. Izan ere, ez ditugu behar bezalako neurriak hartzen interneten gabiltzanean. Horregatik garrantzitsua ikusten dut, txikitatik eskoletan arriskuak azaltzea, neurriak hartzen irakastea ... hau da, kontrol pixka bat izatea, izan ere, hezkuntzaren barruan sartzen dira gaur egun teknologia berriak, gure gizartearen parte baitira, eta eskolaren helburua horixe da, gizartearen parte izango diren gizabanakoak sortzea, beharrezko gaitasunak garatuz. Eta nik eskolak aipatu ditut, baina etxeetan ere beharrezkoa litzateke kontrol pixkabat, ez baita eskolaren lana bakarrik gizartean bizitzen irakastea. 

Seigarren aste honetako saio praktikoak erabat erabilgarriak eta baliagarriak iruditu zaizkit, batez ere, irakasle lanerako garrantzitsuak diren hainbat programa - guztiak online - erakutsi zizkigulako irakasleak. Honekin batera, zenbait kontzeptu garrantzitsu azaldu zizkigun. Honez gain, saio praktikoei hasiera emateko, modulu lana aurrera eraman ahal izateko zenbait datu eman zizkigun taula batean laburbilduta, esate baterako, erabili ditzakegun programen izenak, formatuak ... Ah! eta ahaztu gabe, duela 51 urte beraien karrera amaitu zuten irakasle eskolako ikasle ohiak etorri ziren bisitan.

Blogaren erabiltzailearena

Aurretik aipatu dudan bezala, hainbat programa ezberdin ezagutu ditugu aste honetan. Hasteko, eskola 2.0 -ren orrialdean sartu ginen, eta irakasleek bertan jarritako ariketak begiratu genituen. Ondoren, Jclic , eskoletan asko ikusten den baliabidea,  nola erabiltzen den azaldu zigun eta pixka bat arakatzeko aukera eman zigun. Jarraian, educaplay , jolasten ikasteko eta ariketak sortzeko programa, erabiltzeko harpidetu ginen eta bi ariketa sortu genituen. Azken honek, aipatu dudan bezala, bi erabilera desberdin ditu, beraz, hauek kontuan hartuz, aproposa ikusten dut bai irakasle eta bai ikasleentzat. Gehiago zehaztuz, zaila ikusten dut ikasleek ariketak sortzea, baina egokia iruditzen zait haiek ariketa hauek erabiltzea irakasgaiak lantzeko.

Pixton eta goanimate komikiak sortzeko programak dira. Guk lehenengoan eman genuen izena komiki bat sortzeko, eta denbora nahiko behar izan genuen bat sortzeko, izan ere, erabiltzeko ez da oso erraza. Nik praktikak egin nituen ikastetxean komiki tailerra zeukaten, eta hauek eskuz sortzen zituzten pausu batzuk jarraituz. Orain, hau ikusita, desberdintasun ikaragarria ikusten dut, izan ere, ordenagailu bidez, irudiak badaude jada, eta arinago egiten dira gauzak, hala ere, mugak ditu eta txantiloi zehatz batzuk jarraitu behar dira. Baliteke eskolan erabiltzeko trensa interesgarria izatea, baina niri pertsonalki gehiago gustatzen zait betiko metodoa, hots, eskuz egitearena, emaitzak politagoak izaten baitira. Nik ordenagailuz eginda honako emaitza lortu nuen:

Esan bezala, zenbait kontzeptu garrantzitsu azaldu zizkigun:

• PLE: Personal Learning Enviroment. Norberak duen ingurunea, hau da, norberak nondik auto ikasten duen, norberaren irakaskuntza gunea da.

• LMS: Learning Mnagement System. Egela bezalako plataformak.

•  MOOC: Massive Online Open Course – modu masiboan egiten diren ikastaroak. Esate baterako, openware.

Hau hobeto ulertzeko, bideo bat jarri zigun irakasleak, non ikasleak eta irakasleak rolak aldatzen dituzten. 

Honekin batera, azaldu zigun gai izan behar garela gogoratzeko, ulertzeko, aplikatzeko, analizatzeko, ebaluatzeko eta sortzeko. Izan ere, gaitasun hauek bi mailatan sailkatzen direla kontuan hartuz, behe mailakoak (gogoratu, ulertu eta aplikatu) eta goi mailakoak (analizatu, ebaluatu eta sortu), ez da nahikoa maila batekoak bakarrik lortzea, gorago jo behar dugu eta guztiak bereganatu. Honi lotuta, eta klaseari amaiera emateko, PLE aztertu genuen sakonago, adibideak ikusi genituen, eta mindomo erabiliz, bat egiten hasi ginen.

Beraz, saio praktikoei dagokionez, oso aberasgarriak izan dira nire ustez, ziur nagoelako irakasle naizenean antzeko baliabideak erabiltzeko aukera izango dudala, behintzat, ezagutza minimo bat izango dut hauen erabilpenaren inguruan. Uste dut, oso erakargarriak direla honelako programak haurrentzat, eta motibatuago agertzen direla ikasteko orduan.  

IKT irakasgaiari dagokionez, oso aste entretenigarri, aberats eta ona izan da. Ia ez da klaserik geratzen, beraz ... Aprobetxatzera!

Bost, 5

Aste hau gogorrago egin zait saio teorikoari dagokionez. Izan ere, landutako gaiak ez dira besteetan bezain ulergarriak izan, baina ez egin zituzten aurkezpenagatik, baizik eta gaiagatik. Talde biak aritu ziren gai beraren inguruan, hain zuzen, "Horizon txostena" edo "Horizonte proiektua", lehenengo taldeak gehienbat Lehen Hezkuntzara zuzenduta aurkeztu zuen, eta bigarrenak goi ailako hezkuntzara zuzenduta.

Horizonte proiektua delakoaren helburua, hezkuntza arloan teknologia berriek hurrengo bost urteetan zehar izango dute inpaktua aztertzea da. Hau da, teknologia berriek izan dezaketen eragina aztertu eta identifikatzea. Izan ere, gure etorkizuna markatuko dute teknologiek, gero eta berriagoak baitira.

 Honi lotuta,  arreta deitu zidan  K-12, AEBtako hezkuntza sistema bat denaaipatu zuten. "Homeschooling" da hau definitzeko hitz egokiena, hau da, euskaraz esanda, irakaskuntza etxean, izan ere, horretan datza,  haur hauek eskolara joan beharrean etxetik bertatik ikasten dute, espezializatu batzuengandik internet bidezko klaseak jasoz. Ondoko bideoan ondo azaltzen dute bi gaztek, nahiz eta ingelesez azaldu.

Beste alde batetik, MOOC ere azaldu zuten, Massive Online Open Course, euskaraz: Online Ikastaro Ireki Masiboa. Ikastaro hau dohainekoa da eta pertsona guztiei zuzenduta dago.

Honez gain, tabletek orokorrean eskeintzen dizkiguten abantailak aipatu zizkiguten lehenengo, horien artean, mugikortasuna, konektatzeko erraztasuna, komunikatzeko gaitasuna ... Ondoren, hezkuntzari dakarzkion onuretara jo zuten, hala nola, ikasleen motibazioa, ikaskuntza pertsonala, sormena garatu, ... eta abar. 

Ludifikazio kontzeptuaren inguruan ere aritu ziren, hau da, jokoaren dinamika eta teknikak eremu ez rekreatiboetan erabiltzeari buruz hitz egin ziguten. Joko hauei, teknologia berriek bultzada handia eman omen diote, ondorioz, eskoletan irakasleek hauek aukeratu eta lantzeko aukera izaten dute, balore asko sustatuz ikasleengan. Honen aurrean, era askotako iritziak entzun dira, eta negatiboei dagokioenez, esate baterako,  arazo bati ordenagailuaren bidez aurre egitea ez dela berdina diote, edo pertsonen arteko harremana ez dela lantzen, ez dela  osasuntsua ere badiote.

Eta Learning analytics? Hau ikasleen aktibitearekin erlazionatuta dauden datuen analisia dela esan ziguten, zenbait dimentsiotan eragina duelarik: interes-taldea, helburuak, datuak, metodoak, oztopoak eta konpetentziak.

Azken taldeak, azalpenari amaiera emateko, gaur egun hain modan dauden teknologia eramangarriak aurkeztu zizkiguten, hau da, gailu bezala erabiltzen diren jantziak eta osagarriak, eta hainbat esparrutan eragina dutenak: kamiseta adimentsua, pulseras up eta erloju adimentsua. Hauek guztiek lotura daukate mugikorrekin.

Aurreko sarreretan aipatzen dudan bezala, nire ustez, ona da, teknologia mota berriekin esperimentatzea eta lan egitea, baina neurri batean. Izan ere, teknologia aurrera doa bai, eta atzean uzten ditugu, zaharkituta baleude bezala, betidanik erabili diren irakas metodoak, besteak beste, testuliburuak. Mahai gainera ateratzen ditugu tabletak, ordenagailu eramangarriak, ... edo besterik gabe, ez dugu ateratzen ezer, etxetik bertatik ikasteko aukera izaten baitugu. Egia esaten badut, ez dakit hori ona edo txarra den, izan ere, ados nator aurkezpenetan aipatu dituzten abantailekin, bai motibagarria suertatzen da, eta bai, ondorioz gehiago ikasten da, baina ez da izango nobedadea delako? eta moda hau zaharkitzen denean? eta teknologiak ez badu aurrera egiterik? Badirudi ez dela posible hori gertatzea, baina gertatzen bada? Galdera horiek egiten dizkiot askotan neure buruari. Honez gain, desabantailak ere ikusten dizkiot gai honi, batez ere, etxetik ikastearen moda horri, uste dut balore asko galtzen direla, eta garrantzitsuena iruditzen zaidana, gizartean integratzeko beharrezko den besteekiko harremana galtzen dela iruditzen zait, bat nator, ludifikazioaren inguruan egindako kritika negatiboekin.

Saio teorikoari buruz gehiago ezer esan gabe, aste honetako saio praktikoak lasaiagoak izan direla esan beharra daukat. Lehenengo egunean irakasleak Webquest-ak zer ziren eta zertarako balio zuten azaldu zigun. Metodologia hau, Bernie Dodgek asmatu omen zuen 1995ean gehiegizko informazioari erantzuna emateko. Jarduera hezitzailea da, irakasleak galdera batzuk planteatzen ditu eta informazioa interneten jartzen du, beraz, informazio bilaketa zuzen bat egitean datza. Ondoko mapa kontzeptualean agertzen da zer nolako puntuak landu eta sartu behar diren webquest batean, hau da, bere egitura:

Blogaren erabiltzailearena

Aurretik aipatutako puntuak hobeto ulertzeko, taldean jarrita webquest bat bilatu behar izan genuen, ondoren guztion artean aztertzeko. 

Nire ustez, metodologia honek gehienbat alde positiboak ditu, esate baterako: internetekin lotua dago, talde lana sustatzen du, honekin lan egiterakoan ikaslea aktibo bihurtzen da, praktikoa da, motibagarria, ulerterraza, etxetik ikus daiteke, ... Hala ere, bere aspektu negatiboak ere ikusten dizkiot, hala nola, batzuetan diseinua luzeegia da, autonomia oso gutxi daukate, metodologia berria izaterakoan zailagoa da, gidatuegia batzuetan, ordenagailua beharrezkoa da, ... Beraz, ondo ikusten dut Webquestak eskolan nohizbehinka erabiltzea, lagungarria izan baitaiteke irakaskuntza hobea lortzeko orduan. Hala ere, geuk erabiltzen ez badakigu, ez da komeni haurrekin metodologia hau martxan jartzea, arazoak egon baitaitezke.

Ostiralean, aste honetako bigarren saioan, Ardora programa instalatu eta erabiltzen saiatu ginen, baina arazoak izan genituenez bertan bera utzi genuen. Hala ere, aldez aurretik irakasleak azaldu zigun ariketak egiteko balio duela, eta ondorioz, oso baliagarria dela klase partikularrak emateko eta abar.

Egun horretan, padlet erabiltzen ere ikasi genuen. Hau, Lehen Hezkuntzako ikasleek erabiltzeko moduko tresna da, bertan irudiak eta testuak txertatuz muralak sor ditzaketelako. Guk ere sortu genuen mural bat talde txikietan jarrita, eta gero azaldu egin genituen sortutako horren nondik norakoak.

Blogaren erabiltzailearena

Alde praktikoari dagokionez, oso entretenituta egon ginen, azalpen laburrak eman ostean gure kabuz aztertzen utzi baitzigun irakasleak. Honez gain, ikasitakoa interesgarria izan da, erabilera daukala uste baitut, hau da, baliagarria da hezkuntza arloan, eta asko ikas daiteke honelakoak erabiliz.

Beraz, orokorrean ezin dezaket esan aste honetan ez dudala ikasi ezer, nahiz eta saio teorikoko gaia zailtxoagoa izan, horretatik ere zerbait ikasi baitut.

Aste bat gehiago, aste bat gutxiago.

Txiri-txiri, laugarrena

Laugarren astea ere, beti bezala, IKT irakasgaiari dagokionez, saio teorikoarekin hasi genuen, eta bi talderen aurkezpenak entzun genituen. Asteartean, lehenengo taldeak "IKTak, hezkuntza aireberritzeko aitzakia" gaia aurkeztu zuen eta bigarrenak "Internet eta eskola". 

Lehenengo aurkezpenean, gaur egungo gizartea eta eskola, eskolaren funtzioa teknologiaren ikuspuntutik, honek eskeintzen dituen aukerak eta guzti honek dakartzan ondorioak azaldu zizkiguten. Gure gizartean teknologia garrantzitsua dela aipatu zuten, eta nire ustez ere hori horrela da. Honen ondorioz, haurren heziketa bideak ere aldatu egin dira eta teknologiak bere tokia hartu du eskoletan, besteak beste funtzio hauek bete behar dituelarik: alde batetik, egokitzapena eta alfabetatze digitala; beste alde batetik, inklusio digitala, izan ere, guztiek ez daukate etxean teknologiak erabiltzeko aukerarik, beraz, eskolak horretan lagundu behar du; amaitzeko, hezkuntza eredua berriztatu IKTak txertatuz eta teknologia esanguratsuak erabiliz. Funtzio hauetatik abiatuta, ondoko mapa kontzeptualean ikus daitezkeen aukerak eskeintzen ditu teknologiak eskolan:

Blogaren erabiltzailearena

Bigarren taldeari dagokionez, esan bezala, internet eta eskolari buruz hitz egin ziguten, baina kasu honetan, familiek honekin daukaten erlazioa ere azaldu zuten, izan ere, hauek beldur dira, gero eta gehiago entzuten baita gure gizartean, haur pornografia delakoare kontua, edo ezezagunekin hitzorduak zehaztea, zein norberare datu pertsonalak zabaltzearen arriskua. Ondorioz, argi dago,  internet ere oso arriskutsua izan daitekeela. Horregaitik, honi lotuta, badaude zenbait programa (nolabait esateko), esate baterako, Safer Internet Program, segurtasuna sustatzen dutenak.
Guzti honez gain, Web 2.0ren inguruan ere aritu dira eta honek hezkuntzan duen garrantziaz. 

Teknologia aurrera doa, eta honekin batera beste guztia. Horregaitik, ni ados nago teknologiak eskoletan txertatzearekin, gizartera egokitu behar baikara. Gainera, Web 2.0 eskolan erabiltzea, dibertigarria, sinplea eta eraginkorra iruditzen zait. Era berean, nire ustez, hizkuntza eta komunikazio gaitasuna hobetzeko aukera ona da. Honez gain, analisirako eta kritikarako gaitasuna susta daiteke honen bidez. Hala ere, neurria hartzea beharrezko ikusten dut, arriskuak zeintzuk diren jakitearekin eta haurrei horiek azaltzearekin batera, hau da, gainontzeko heziketa bideak guztiz alde batera uztea ez dut egoki ikusten, hauek ere beharrezkoak baitira momentuz. 
Bideo honetan ikus daiteke gure gizartean gero eta garrantzia daukala teknologiak, eta ondorioz hauen erabilpena beharrezkoagoa eta ugariagoa dela, ondorioz, eskoletan txertatu beharreko zerbait dela.

Praktikako bi egunak benetan aprobetxatu genituen. Ostegunean, klasea hasteko, modulo lana hobeto osatzeko bibliografia nola egiten den azaldu zigun irakasleak, APA arauetan oinarrituz, eta adibideak erabiliz. Niri hau ulertzea oso baliagarria eta garrantzitsua iruditu zitzaidan, izan ere, lan gehienetan erabili beharreko zerbait da eta orain arte ez naiz batere trebe aritu honetan. Ea hemendik aurrera hobeto moldatzen naizen.
Honekin bukatu zuenean, gure testuak txukunago idazteko zenbait argibide eman zizkigun, Word-ak eskeintzen dituen erabilerak azalduz. Honekin nahiko ondo konpontzen naiz normalean, baina jabetu naiz ezagutzen ez nituen eta erabilgarriak diren hainbat gauza dituela programa honek, esate baterako, markadoreak.

Ostiralean, Joxe Ramon Zubimendiren ortotipografia liburua aurkeztu zigun, hau ere, testuak idazterakoan baliagarria suerta daiteke, izan ere, hizkuntza era egokian nola erabil daitekeen aholkatzen du. Liburu honez gain, irudiari buruzko informazioa biltzen duen liburu bat aurkeztu zigun, “Lecturas de imágenes en la era digital”, DILANn laneko grabaketa egiterakoan lagun dezake agian, planoei buruzko informazioa eta abar agertzen baita.

Honi bukaera eman eta bilaketak egiterakoan informazioa gordetzeko bi aukera erakutsi zizkigun. Alde batetik, internet bidez bilaketa egin, eta aukeratzen dugun orrialdearen erreferentzia osoa kopiatu eta itsatsi nonbaiten. Beste alde batetik, laster-markak erabiliz, hau da, gure lanak online edukitzeko balio dute, eta edonon gaudela ere, eskura ditugu, honetarako zenbait laster-marka aurkeztu zizkigun: delicious, connote, diigo, eta antzekoa den scoopit. Guk deliciousekin egin genuen proba.

Klasea bukatu baino lehen, bideo batzuk jarri zizkigun, soinua, irudia, mugimendua, koloreak, ... aztertzeko. Lehenengo bideoa, ospetsuen aipuez beteta zegoen, eta gu konturatu ez arren, irudia eta soinua ez zetozen bat, ondorioz, komunikazioa desegokia zen. Jarraian, "cuatro esquinitas de nada" istorioa jarri zigun hainbat era desberdinetan, eta bakoitzaren ezaugarriak aztertu genituen,desberdintasunak identifikatuz. Honen ostean, "el maltrato sutil" bideoa jarri zuen, oso istorio aberatsa, eta aurrekoetako prozedura jarraitu genuen, bideoa aztertuz. Bukatzeko, guk egin beharreko modulo laneko bideoaren antzeko bat jarri zigun, ondo ikusteko zer hartu behar dugun kontuan.

Aste honetako praktikak bereziki baliagarriak iruditu zaizkit, izan ere, uste dut laguntza handia ematen digula DILAN aurrera eramateko. Ez da batere erraza bideo bat sortzea inongo ezagutzarik gabe, eta gaizki egiteko daukagun beldur hori txikiagoa dela esan daiteke, zerbait badakigulako. 

3.astea, interesgarria

Bagoaz martxa hartzen, eta poliki poliki aurrera doa guztia. Aste honetan IKT-n gauza interesgarri asko ikasi ditudalakoan nago.

Blogaren erabiltzailearena

Asteartean, saio teorikoa irakasleak azaldu beharrean, gutariko ikasle talde batek azaldu zuen, horretarako beharrezko materiala erabiliz, hauen kasuan power pointa erabili zuten. Badirudi horrela jarraituko duela honek lauhilabetea amaitu arte, hau da, saio teorikoak gure esku egongo dira eta astean talde batek dagokion gaia azaldu beharko du. Hau honela izanik, taldean irizpide batzuk ezarri genituen eta horien arabera ebaluatu genuen haien lana, banaka eta taldean. Aurkeztu ziguten gaia, "Bost urteko haurrak mezu elektronikoak idazten" proiektua,  interesgarria iruditu zitzaidadan, agian gaur egungo errealitatearekin lotura zuzena daukalako, eta hau gero eta gehiago ikusten dugulako gure gizartean. 
Nik banekien haurrak gero eta lehenago hasten direla teknologia berriekin lanean, baina hain goiz? bost urterekin? hori ez nekien, eta harritu egin ninduen, eta beraiek ondo azaldu zuten moduan, alde positibo eta ez hain positiboak ikusten dizkiot proiektu honi. Esate baterako, uste dut motibagarria dela irakaskuntza metodo hau, baina nahiz eta zenbait helburu lortu, beste batzuk bidean gelditzen dira, izan ere, gaur egun sareak infomazio gehiegi ematen digu. 

Aurkezpena orokorrean oso ondo egon zela iruditu zitzaidan, era antolatuan azaldu ziguten,  ulerkor eta argi, euskara egokia erabiliz, ... Honez gain, guretzat aberasgarria iruditzen zait saio teorikoak honela lantzea, etorkizunean ere honi aurre egiteko gai izan beharko baikara, hau da, jendaurrean hitz egiteko gai izan beharko gara, eta honek lagun diezaguke.

Honekin amaituz, ostegun eta ostiralean saio praktikoak izan genituen eta gehienbat argazkiekin aritu ginen lanean, hala ere, storybird-ekin ere aritu ginen, eta honen antzeko programak ere aztertu genituen (calameo, issu eta scribd). Azken hauek oso egokiak iruditzen zaizkit haurrekin lan egiteko eta haien sormena lantzeko, izan ere, oso motibagarriak suerta daitezke hauek sortzeko eragatik (beraien argazkiak sar ditzakete adibidez) eta ondoren hauekin egin daitekeenagatik, hala nola, etxera eraman dezakete, inprimatu, ... eta abar. Nik neure istorioa amaitu nuen ostegunean, "Ametsak beti amets?" deiturikoa.

Blogaren erabiltzailearena

Ipuinen eta istorioen ostean, ura, haizea, komunikazioa eta abiadurari buruzko zortzi argazki ateratzera bidali gintuen irakasleak, gure taldeari ura tokatu zitzaigun. Klasea horrela amaitu, eta hurrengo saioko azken momentuan aztertu genituen banan-banan. Hau aprobetxatuz, argazkiak ateratzerakoak kontuan hartu beharreko planoak azaldu zizkigun: plano normala, plano pikatua eta plano kontrapikatua. 
Argazkiekin jarraituz, hauek editatzeko bi programa aurkeztu zizkigun. Alde batetik, GIMP erakutsi zigun, eta hau nola deskargatu apps portable erabiliz. Beste alde batetik, online erabiltzeko fotoflexer programaren helbidea eman zigun. Biekin aritu ginen praktikatzen,
Gehienbat argazkiekin aritu baginen ere, RSS-ari buruzko azalpenak ere eman zizkigun irakasleak eta hau gure blogean nola txertatu argitu zigun.

Orokorrean, aste honi dagokionez esperientzia positiboak jaso ditut hiru saioetatik, entretenituta aritu baikara eta ordenagailuez at joan, hau da, teknologia erabiliz inguruarekin harremanetan jarri gara, argazkiak ateraz eta hauek aztertuz. Gainera, argazkiei buruz jasotako informazio guztia erabilgarria izango zaigu DILAN lana egiteko orduan, teknologia berrien erabateko erabilpena eskatzen baitu oraingoan.

Besterik gabe, aprobetxatu denbora.